Foto: Eric Bolte-USA TODAY Sports
«Los-Anjyeles Gelaksi» hujumchisi Zlatan Ibrahimovich MLS’ning 12-turi doirasida «Monreal Impekt»ga qarshi bo‘lib o‘tgan o‘yinda (1:0) qizil kartochka oldi.
Shvetsiyalik futbolchi birinchi bo‘lim yakunida kanadaliklar yarim himoyachisi Maykl Petrassoning gardaniga qo‘li bilan zarba bergan. Bu kanadalik futbolchi Ibrahimovichning oyog‘ini bosib olganidan so‘ng sodir bo‘ldi. Uchrashuv hakami videotakrorni ko‘rgan hamda Zlatanni maydondan chetlashtirish haqida qaror qabul qilgan.
«Los-Anjyeles Gelaksi» ozchilikda qolganiga qaramay, g‘alaba qozondi – Ola Kamara 75-daqiqada bellashuvdagi yagona golni urdi.
