Jahon chempionati hakamlaridan biri 25 yildan beri chiqindichi bo‘lib ishlayapti
JCh-2018 musobaqasida ishlaydigan panamalik hakamlar brigadasining bir a'zosi g‘aroyib tarixga ega.
Bosh hakamning yordamchisi Gabriel Viktoriya 25 yildan beri ko‘chalarni chiqindidan tozalamoqda.
Gap shundaki, Panamada hakamlarga faqat har bir ishlagan o‘yini uchun pul to‘lanadi. Gabriel so‘zlariga ko‘ra, gonorarlar juda kam va unga kun kechirish qiyin. Shuning uchun, u 1993 yildan beri ko‘chalarni chiqindidan tozalash bilan shug‘ullanyapti.
«Ertalab soat 5.00da ishga chiqaman, kechqurun esa futbol maydonida shug‘ullanaman. Menga og‘ir emas, har ikkala kasb ham yoqadi. Hamkasblarim bilan munosabatlarim yaxshi, biz hech narsadan nolimaymiz» - dedi Gabriel.
Qizig‘i shundaki, og‘ir ish sharoiti Viktoriyaga hakamlik faoliyatida yuqoriga ko‘tarilishga xalal bermayapti. U 2015 yilda yoshlar o‘rtasidagi jahon chempionatida, 2016 yilda Amerika Kubogida, 2017 yilda o‘smirlar o‘rtasidagi mundialda ishlagan.
Mavzuga oid
18:54 / 10.12.2019
JCh-2018 mezbonligi korrupsiya orqali qo‘lga kiritilgan bo‘lishi mumkin
08:19 / 04.12.2018
Infantino G20 ishtirokchilariga JCh-2018 to‘plarini sovg‘a qildi
12:53 / 09.11.2018
Ronalduning het-trigi - eng yoqimli xotira. JCh-2018ning eng esda qolarli lahzalari aniqlandi
01:41 / 25.09.2018