Tramp Kim Chen In bilan uchrashishini tasdiqladi

Foto: Reuters

Donald Tramp Shimoliy Koreya yetakchisi Kim Chen In bilan 12 iyun kuni Singapurda uchrashadi. Bu haqda uning o‘zi Oq uyda Venesuelada ozod qilingan AQSh fuqarosi qabulidan so‘ng ma'lum qildi.

AQSh prezidenti KXDR bilan muzokaralar «juda yaxshi» ketayotganini qayd etib o‘tgan.

Kim Chen In 26 may kuni Janubiy Koreya prezidenti Mun Jye In bilan uchrashuvi vaqtida Tramp bilan uchrashish niyatini tasdiqlagandi.

Bundan oldinroq Donald Trampning matbuot kotibi Sara Sanders Amerika ma'muriyati jamoasi AQSh va KXDR yetakchilarining uchrashuv maydonini tayyorlash uchun Singapurga yo‘l olishi haqida ma'lumot bergandi.