30 may kuni Andijon shahar IIBga hujjatlar kelib tushgan, deb xabar bermoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
Qayd etilishicha, ularda O‘sh shahrida yashovchi, Qirg‘iziston fuqarosi X.G. ismli 20 yoshli ayol va Andijon viloyatida yashovchi, O‘zbekiston fuqarosi N.N. ismli 38 yoshli ayol o‘zaro jinoiy til biriktirib, qo‘shmachilik bilan shug‘ullanib, 2016 yil dekabrdan 2018 yil fevral oyiga qadar yosh ayollarni erkaklarga qo‘shganliklari va 2018 yil mart oyida bir nechta yosh qizlarni O‘zbekistondan Qirg‘iziston Respublikasiga olib o‘tib, fohishalik bilan shug‘ullanishga majbur qilganliklari aniqlangan.
Mazkur holat yuzasidan jinoyat ishi qo‘zg‘atilib tergov harakatlari olib borilmoqda.
