AQSh va KXDR Kim Chen Inning mehmonxona xarajatlarini qaysi tomon to‘lab berishini hal qilolmayapti
Shimoliy Koreya va AQSh o‘rtasidagi sammitga tayyorgarlik ko‘rish davomida moddiy ta'minot bilan bog‘liq muammo yuzaga keldi. Gap shundaki, tomonlar Shimoliy Koreya yetakchisi Kim Chen In va Shimoliy Koreya delegatsiyasining mehmonxonada to‘xtashi uchun qaysi tomon pul to‘lashini hal qilolmayaptilar. Bu haqda Washington Post nashri ma'lum qildi.
Kim Chen In to‘xtashi rejalashtirilayotgan Singapurdagi Fullerton mehmonxonasidagi prezident lyuksi bir kecha uchun 6 ming dollar turadi. Bundan tashqari, shimoliy koreyaliklarga Singapurga yetib olish uchun boshqa davlat samolyoti kerak bo‘lishi mumkin.
Shimoliy Koreya vakillari xarajatlarni o‘z zimmasiga boshqa tomon olishini istashmoqda. AQSh tomoni bunga rozi, biroq Shimoliy Koreya buni haqoratdek qabul qilishi mumkinligidan xavotir bildirmoqda. Shu sababli AQSh Shimoliy Koreya delegatsiyasi xarajatlarini Singapur to‘lab berishi bo‘yicha muzokaralar olib bormoqda.
Nashrning ta'kidlashicha, bunday holatlarga avval ham duch kelingan. Misol uchun, Pyongchangdagi Olimpiadada Shimoliy Koreya delegatsiyasining 2,6 mln dollarlik xarajatlarini to‘lashni Seul o‘z zimmasiga olgan.
Mavzuga oid
21:16 / 06.10.2024
Tramp saylovda g‘alaba qozonsa, amerikaliklarni Marsga qo‘ndirishga va’da berdi
09:51 / 06.10.2024
Dollarning kelajagiga shubhalar qanchalik asosli?
23:09 / 05.10.2024
Gvatemalada o‘zbek migrantlari kontrabandasi bilan shug‘ullangan politsiyachilar hibsga olindi
15:16 / 05.10.2024