Kataloniyada Madridning bevosita boshqaruvi davri tugadi 

Kataloniya yangi hukumati o‘z vakolatlarini bajarishga kirishdi, deb xabar bermoqda Reuters.

Shu tariqa, agentlikning ta'kidlashicha, Madrid tomonidan mintaqaning to‘g‘ridan to‘g‘ri boshqarilishiga yakun yasaldi.

Kataloniya hukumati yangi rahbari Kim Torraning ma'lum qilishicha, muxtoriyaning mustaqil bo‘lishiga qarab harakatlanishni davom ettiradi. Shuningdek, u Ispaniya yangi bosh vaziri Pedro Sanches bilan muzokaralar o‘tkazish niyatida ekanini xabar qilgan.

Avvalroq, Kim Torra Ispaniya qiroli Filipp VI sodiqlik qasamyodini keltirishdan bosh tortgani xabar berilgandi.

Eslatib o‘tamiz, bundan avval Ispaniyada yangi bosh vazir qasamyod keltirgani ma'lum qilindi.