Foto: Andrew Harnik/AP
AQSh birinchi xonimi Melanya Tramp Shimoliy Koreya yetakchisi Kim Chen In bilan uchrashuvda Amerika prezidentiga hamrohlik qilmaydi. Bu haqda ABC News xabar bermoqda.
AQSh prezidenti rafiqasining vakili Stefani Grishem so‘zlariga ko‘ra, Melanya Trampga Kanadadagi G7 sammitida ham hamrohlik qilmaydi.
Ta'kidlanishicha, Melanya Tramp omma oldida 10 maydan beri ko‘rinish bermagan.
May oyi o‘rtalarida AQSh birinchi xonimi Uolter Rid nomidagi Milliy harbiy-tibbiy markazda buyraklarida kichik jarrohlik amaliyotini o‘tkazdi. Bir necha kundan so‘ng u Oq uyga qaytib keldi.
