Yevropa aeroportlarida uxlash uchun maxsus kapsulalar paydo bo‘ladi

Sloveniya dizaynerlari, ishbilarmonlari va sayyohlari Yevropa aeroportlarida uxlash uchun o‘rnatiluvchi maxsus kapsulalarni ishlab chiqishdi. Fox News shu haqida xabar berdi. 

Kontseptsiyaga ko‘ra, Airpods modullari tashqi ko‘rinishidan futuristik dregsterlar (poyga musobaqalarida qatnashuvchi avtomobillar)dek ko‘rinadi. Sayyohlar bu kapsulalar ichida telefonni zaryadlash, Wi-Fi'ga ulanish va kino ko‘rish imkoniga ega bo‘lishadi. 

Uyqu xonalari tashqi tovushlardan to‘liq izolyatsiya qilingan bo‘lishiga qaramay, sayyohlarga tashqarida bo‘layotgan hodisalarni monitor qilish imkoni taqdim etiladi. Kapsula avtomatik ravishda yo‘lovchining parvoz vaqti yaqinlashayotgani haqida xabar beradi. 

Ixtiro qo‘shimcha ishlanmalarni talab qiladi, biroq ilk kapsulalarni shu yilning o‘zidayoq Yevropaning ba'zi aeroportlarida o‘rnatish rejalashtirilmoqda.