Afg‘onistonda toliblar yana hujum qildi, 15 harbiy halok bo‘ldi

«Tolibon» radikal harakati jangarilari hujumi oqibatida Qunduz viloyatida Afg‘oniston Qurolli kuchlarining kamida 15 harbiy xizmatchisi halok bo‘ldi. 

Bu haqda Pajhwok agentligi xabar qilmoqda.

Avvalroq, Afg‘oniston g‘arbidagi Hirot viloyatida “Tolibon” radikal harakati jangarilarining hujumi oqibatida kamida 17 harbiy halok bo‘lgani xabar qilingandi.

Eslatib o‘tamiz, bundan avval Afg‘oniston prezidenti Ashraf G‘ani Ramazon oyi yakunlanishi va Ramazon Hayiti bayrami tufayli “Tolibon” radikal harakati bilan vaqtinchalik sulhga erishilgani haqida ma'lum qilgandi.

Shundan so‘ng “Tolibon” ham uch kunlik vaqtinchalik sulh haqida e'lon qildi.