Toliblar vaqtinchalik sulhga qaramay, 17 nafar harbiyni o‘ldirdi

Afg‘oniston g‘arbidagi Hirot viloyatida “Tolibon” radikal harakati jangarilarining hujumi oqibatida kamida 17 harbiy halok bo‘ldi. Bu haqda Pajvak xabar qilmoqda.

"Afg‘oniston milliy armiyasining o‘n yetti askari mamlakat g‘arbidagi Hirot viloyatida toliblar tomonidan o‘ldirildi", - deyiladi agentlikning Twitter’dagi xabarida.

Boshqa tafsilotlar hozircha xabar qilinmagan.

Eslatib o‘tamiz, avvalroq Afg‘oniston prezidenti Ashraf G‘ani Ramazon oyi yakunlanishi va Ramazon Hayiti bayrami tufayli “Tolibon” radikal harakati bilan vaqtinchalik sulhga erishilgani haqida ma'lum qilgandi. 

Shundan so‘ng “Tolibon” ham uch kunlik vaqtinchalik sulh haqida e'lon qildi.