Oq uy Tramp va Kim Chen In uchrashuvi tafsilotlarini oshkor qildi

AQSh prezidenti Donald Tramp va Shimoliy Koreya yetakchisi Kim Chen Inning sammiti ularning shaxsiy suhbati bilan boshlanadi, unda faqat davlat rahbarlarining rasmiy tarjimonlari bo‘ladi. Bu haqda Oq uy tomonidan e'lon qilingan xabarda aytiladi.

«Prezident Donald Tramp Shimoliy Koreya yetakchisi Kim Chen In bilan ertaga ertalab soat 9.00 (Toshkent vaqti bilan 6.00)da uchrashadi. Salomlashishdan so‘ng, prezident Tramp va rais Kim yakkama-yakka uchrashuv o‘tkazadi, unda faqat tarjimonlar bo‘ladi, keyin kengaytirilgan tarkibda ikki tomonlama uchrashuv va amaliy tushlik tashkil etiladi», - deyiladi hujjat matnida.

Shuningdek, AQSh ma'muriyatidan ta'kidlashlaricha, Qo‘shma Shtatlar prezidenti sammitdan so‘ng matbuot anjumanida qatnashadi, keyin samolyotda AQShga qaytib ketadi.

Eslatib o‘tamiz, avvalroq Kim Chen In Trampga taklif bilan chiqqani aytilgandi.