Rossiya TIV Tramp va Merkel tasvirlangan mashhur fotosuratga izoh berdi

Rossiya Tashqi ishlar vazirligi rasmiy vakili Mariya Zaxarova feysbukdagi o‘z sahifasida G7 yetakchilari uchrashuvi vaqtida olingan fotosuratga izoh berdi. Unda Germaniya kansleri Angela Merkel stolga qo‘llarini qo‘yib olgan holda qo‘llarini ko‘kragida chalishtirgan Trampga tikilib turgani tasvirlangan.

«So‘nggi oylarda fotojurnalistika yangi tashqi siyosiy cho‘qqilarga chiqmoqda. Har doim, shunday fotosuratni ko‘rib, xayolimga shu fikr keladi: «Fotoshop, albatta. Bunday bo‘lishi mumkin emas». Keyin esa bu haqiqat ekani ma'lum bo‘lib chiqadi», - deya yozgan Zaxarova.

Shuningdek, uning ta'kidlashicha, bunday fotosuratlar sizib chiqqanida «eshiklar yopiq holda turgani muhim emas», sababi «bitta kadr - va darparda ko‘tariladi».

Eslatib o‘tamiz, avvalroq Tramp Singapur havosidan zavqlanib ketgani xabar berilgandi.