Ukraina Haagadagi BMT sudiga Rossiyaga qarshi ayblovlarni topshirdi

Ukraina prezidenti Pyotr Poroshenkoning feysbukdagi o‘z sahifasida xabar berishicha, Haagadagi Xalqaro sudga memorandum topshirilgan. Unda Rossiya tomoni Terrorizmni moliyalashtirishga qarshi kurashish to‘g‘risidagi konvensiya va Irqiy kamsitishni tugatish to‘g‘risidagi konvensiyani buzayotgani aytiladi.

«BMT Xalqaro sudi aynan 12 iyunni - Rossiya kunida - Ukrainaning Rossiyaga qarshi Terrorizmni moliyalashtirishga qarshi kurashish to‘g‘risidagi konvensiya va Irqiy kamsitishni tugatish to‘g‘risidagi konvensiya buzilayotgani bo‘yicha Memorandumni taqdim etish uchun belgilab qo‘ygani juda ramziy ma'noga ega», - deya yozgan Poroshenko.

Ukraina Rossiyani Haagadagi BMT Xalqaro sudiga ham bergan. Unda aytilishicha, Rossiya Terrorizmni moliyalashtirishga qarshi kurashish to‘g‘risidagi konvensiya va Irqiy kamsitishni tugatish to‘g‘risidagi konvensiyani 2017 yil yanvarida buzgan. Ukraina tashqi ishlar vaziri Pavel Klimkinning so‘zlariga ko‘ra, memorandum 29 bobdan iborat bo‘lib, uning og‘irligi taxminan 90 kilogramm keladi.

Eslatib o‘tamiz, avvalroq ukrainalik deputat Rossiyani qanday qilib mag‘lub etish mumkinligini aytgandi.