AQSh Xitoy tovarlariga bojlarni qachondan joriy etishi ma'lum

AQSh savdo vakili Robert Laytxayzer ma'lum qilishicha, Qo‘shma Shtatlarning Xitoy tovarlari importiga 50 mlrd dollarlik qiymatdagi bojlari 6 iyuldan boshlab kuchga kiradi. Bu haqda idora saytida xabar qilingan.

Uning so‘zlariga ko‘ra, AQSh bojxona va chegara xizmatlari 2018 yilning 6 iyulidan boshlab Xitoy mahsulotlaridan qo‘shimcha bojlar yig‘ishni boshlaydi.

Avvalroq, Xitoy Xalq Respublikasi Moliya vazirligi AQShning 659ta tovariga 25 foizlik bojlar joriy etilayotgani haqida e'lon qilgandi.

Shuningdek, Xitoy hukumati Amerika tomoni bilan avval erishilgan kelishuvlarni bekor qilish haqida qaror qabul qildi.