Fransiya hukumati rasmiy vakili Benjamen Grivo ma'lum qilishicha, Fransiya tomoni AQShning migratsiya siyosati masalasidagi pozitsiyasiga qo‘shilmaydi. Bu haqda Reuters France 2 telekanaliga asosan xabar bermoqda.
Fransiya hukumati vakili Amerika-Meksika chegarasida oilalarni ajratib yuborish bo‘yicha kuzatilayotgan holatlariga izoh berib, Yevropada ham shu kuzatilishini xohlamasligi haqida aytib o‘tdi. Shuningdek, Grivoning ta'kidlashicha, Fransiya madaniyat modeli Amerikanikidan farq qiladi. U o‘zini «Yevropa bolasi», deb atagan.
«Men uchun Yevropa - bu tinchlik, farovonlik, bo‘lisha olishlik, ochiqlik. Mening avlodim shuni himoya qilishi kerak, Yevropa birdamligini populizmdan asrash lozim», - deya xabar berdi Grivo.
Avvalroq, AQSh prezidenti Donald Tramp Qo‘shma Shtatlarda Yevropada kuzatilayotgan migrantlar bilan muammolarni xohlamasligi haqida ma'lum qilgandi.