Yozgi ta'til “INHA Tashkent Summer School” bilan yanada mazmunli va qiziqarli

Farzandingiz 9 yoshdan 16 yoshgachami va Siz uning yozgi ta'tilini maroqli o‘tkazishini va shu bilan birga bilim olishini istaysizmi?

Toshkent shahridagi Inha universiteti (IUT) “Inha Tashkent Summer School” ta'lim lagerini taklif qiladi. Lager IUT ning yangi innovatsion loyihasi bo‘lib, bolajonlarning yozgi ta'til davridagi vaqtini maroqli va unumli o‘tkazishga mo‘ljallangan.

“Inha Tashkent Summer School” 2018 yilning may oyida ishga tushirildi. Hozirda dastlabki ikki haftalik mavsum o‘z nihoyasiga yetdi, ikkinchi mavsumning qatnashchilari esa endi-endi bir-birlari bilan tanishib, ta'lim lagerining muhitiga moslashmoqdalar.

Lagerda o‘g‘il-qizlar o‘z vaqtlarini nafaqat qiziqarli, balki foydali o‘tkazishadi. Bolajonlar yoshlariga mos ravishda mantiqiy matematika, ingliz tili, qiziqarli fizika, dasturlash, ona tili ingliz tili bo‘lgan ustoz bilan so‘zlashuv qobiliyatini kuchaytirish klubi, robototexnika, fikrlash dizayni bilan shug‘ullanadilar.

Xususan, birinchi mavsum davomida kichik guruhdagi bolajonlar turli devayslarning tuzilishi bilan tanishgan bo‘lsalar, katta guruhdagi bolalar “Arduino” tizimidan foydalangan holda robotlarni yaratishni o‘rgandilar. Arduino – avtomatika va robototexnikaning oddiy tizimlarini yaratish uchun apparat-dasturiy moslamasidir.

Lager qatnashchilari ingliz tilidagi so‘zlashuv klubida ham maroq bilan ishtirok etishmoqda. Mazkur klubni Buyuk Britaniyalik mutaxassis Greym Medd olib bormoqda. Klubdagi darslar davomida bolalar turli mavzularni muhokama qilgan holda ingliz tilidagi so‘zlashish qobiliyatlarini rivojlantirishadi.

Ta'lim lagerining o‘ziga xos tomonlaridan biri bolajonlar dasturlash bo‘yicha darslarda ishtirok etishib, unda dasturlash asoslarini o‘rganishadi.

Tashkilotchilar ko‘ngilochar tadbirlar to‘g‘risida ham unutmadilar. Darslardan bo‘sh vaqtlarida bolalar quvnoq musobaqalar va o‘yinlarda ishtirok etishadi, har hafta bo‘ladigan ko‘riklarga o‘z ijodiy chiqishlarini tayyorlashadi.

Ta'kidlash joizki, mashg‘ulotlar davomida o‘zini ijobiy ko‘rsatgan bolalar, turli o‘yin moslamalari bilan jiholangan o‘yinlar bilan to‘la xonalarda o‘yin o‘ynashlariga ruxsat beriladi.

Xalida Sultanovna, 2 nafar lager qatnashchisining buvisi: “Har kuni darslardan keyin nevaralarimning ko‘tarinki kayfiyatini ko‘rib juda xursand bo‘laman. Nevaralarimga o‘qituvchilarning dars o‘tish uslubi judayam yoqadi, ayniqsa dasturlash va robototexnika. Universitet ma'muriyati, nafaqat bilim berish, balki vaqtni mazmunli o‘tkazish uchun ham barcha sharoitni yaratib bermoqda”.

Lager qatnashchisi Diyorbek (14 yosh): “Menga “INHA Tashkent Summer School” lageri judayam yoqadi. Bu yerda darslar quvnoq va qiziqarli o‘tayapti. Menga ko‘proq turli sahna ko‘rinishlarni, chiqishlarni tayyorlash, videoni tasvirga tushirish yoqadi. Menga sahnalashtirish juda yoqdi va men kelajakda rejissyor bo‘lmoqchiman”.

“Inha Tashkent Summer School”da eng yaxshi yetakchilar va ma'muriyat vakillari yig‘ilgan. Ular menga katta aka va opadek bo‘lib qolishdi. Lager bir umr davom etmasligi achinarlidir”, - deya qayd etdi 11 yoshlik Nastya.

Eslatib o‘tamiz, hozirda “Inha Tashkent Summer School”ning navbatdagi mavsumiga ro‘yxatdan o‘tish jarayoni davom etmoqda. Ro‘yxatdan o‘tishga shoshiling! Joylar soni cheklangan!

Ro‘yxatdan quyidagi yo‘nalish bo‘yicha o‘tishingiz mumkin: https://goo.gl/forms/P6SybuUwePlJqFCJ2, avgust oyi uchun: https://goo.gl/forms/kYERJ9rEeguv91sz2.

Lager faoliyati bilan ijtimoiy tarmoqlardagi quyidagi sahifalarimiz orqali tanishishingiz mumkin:

1. Facebook: www.fb.com/INHATashkentSummerSchool

2. Instagram: www.instagram.com/inhatashkentsummerschool

3. Telegram: @inhatashkentsummerschool

Batafsil ma'lumot uchun quyidagi telefon orqali murojaat qiling: +9989 71 289 99 99 (ichki: 0300, 0305, 0301, 0302, 0304).