Pompeo: Tramp Rossiyani G7’ga Qrim bo‘yicha shartlarsiz qabul qilishga tayyor

AQSh davlat kotibi Mayk Pompeoning aytishicha, Qo‘shma Shtatlar prezidenti Donald Tramp Moskvaning xalqaro hamjamiyatga qaytishini «aniq» deb baholaydi hamda «yon berish» unga Qrimni Ukrainaga qaytarmay turib, G7’ga qo‘shilish imkonini beradi, deb hisoblaydi. Bu haqda Associated Press xabar qilmoqda.

Kutilishicha, AQSh prezidenti Donald Tramp va Rossiya yetakchisi Vladimir Putinning bo‘lajak uchrashuvi joyi hamda sanasini har ikki tomon 28 iyun kuni rasman e'lon qiladi.

Mayk Pompeo Rossiyadan aynan qanday «yon berish» kutilayotganini aytmadi, biroq, Tramp hamon Rossiya «Qrimni 2014 yilda noqonuniy ravishda o‘ziga qo‘shib olgani», bu G7’dan chetlatilishga olib kelgani borasidagi pozitsiyasiga sodiq qolayotganini ta'kidlab o‘tdi.

Eslatib o‘tamiz, avvalroq Rossiya Ukrainani qachon hurmat qila boshlashi aytilgandi.