Eron prezidenti avgust oyida O‘zbekistonga tashrif buyurishi kutilyapti

Eron prezidenti Hasan Ruhoniy 2018 yil avgust oyida O‘zbekistonga rasmiy tashrif bilan keladi. Bu haqda Eron axborot agentliklari xabar bermoqda.

Mehr News Agency’ning ta'kidlashicha, Eron prezidenti katta iqtisodiy delegatsiyaga rahbarlik qiladi.

Tashrif doirasida Hasan Ruhoniy O‘zbekiston rasmiylari bilan uchrashuvlar va muzokaralar o‘tkazadi.

Tomonlar ikki tomonlama munosabatlarni rivojlantirish, shuningdek, xalqaro va mintaqaviy masalalarni muhokama qiladilar.