Toshkentda Gerasimov nomidagi Butunrossiya kinematografiya davlat instituti filiali ochiladi

O‘zbekiston Respublikasi prezidenti “Milliy kinoindustriyani rivojlantirish bo‘yicha qo‘shimcha chora-tadbirlar to‘g‘risida”gi qarorni imzolagani xabar qilingandi.

Hujjatda qayd etilishicha, 2020/2021 o‘quv yilidan boshlab Toshkent shahrida kinematografiya sohasining malakali kadrlarini tayyorlash bo‘yicha S.A.Gerasimov nomidagi Butunrossiya kinematografiya davlat instituti (BKDI) filiali (qo‘shma fakulteti) ochiladi.

Unda o‘qituvchilik faoliyatiga BKDI yuqori kurslarida va assistentura-stajirovkasida avval tayyorgarlikdan o‘tgan mutaxassislar, shuningdek, master-klasslar o‘tkazish uchun institut professor-o‘qituvchilari jalb qilinadi.