Buxoro viloyatida oʻtkazilgan reyd tadbirida 211 ta maʼmuriy jarimasi bor avtomobil topildi. Bu haqda Majburiy ijro byurosi xabar berdi.
Maʼlum qilinishicha, Romitan tumanida yashovchi fuqaro oʻziga tegishli Tracker avtomobilini yoʻl harakati qoidalariga rioya qilmasdan boshqarishi oqibatida 211 ta qoidabuzarlik sodir etgani aniqlangan. Uning jami 137 million soʻmlik maʼmuriy jarimasi boʻlgan.
Qidiruv tadbirlari davomida ushbu avtomashina topilib, vaqtincha saqlash uchun jarima maydonchasiga joylashtirildi.
