Shoakram Isroilov O‘zbekiston Jismoniy tarbiya va sport vazirligi rahbarligini tark etdi. Bu haqda «Kun.uz» manbasi xabar bermoqda.
Ayni vaqtda uning o‘rnida birinchi o‘rinbosar Oybek Qosimov vaqtinchalikka vazirlikni boshqarmoqda.
Eslatib o‘tamiz, shu yil fevralida Jismoniy tarbiya va sport davlat qo‘mitasi raisi Rustam Qurbonov lavozimni tark etib, O‘zbekiston davlat jismoniy tarbiya institutining sobiq rektori, O‘FFning sobiq vitse-prezidenti Shoakram Isroilov uning o‘rnini egallagan, mart oyi boshida O‘zbekiston Respublikasi Prezidenti Shavkat Mirziyoyevning farmoni bilan qo‘mita negizida Jismoniy tarbiya va sport vazirligi tashkil etilgan, Isroilov vazirlikning birinchi rahbari bo‘lgandi.
