«Liverpul» «MYu»ga 4ta gol urdi, «Siti»da irodali g‘alaba, «Barsa» «Tottenhem»ni yenga oldi. Barcha gollar videosi
|17:20 / 29.07.201822 2459 min
Xalqaro chempionlar kubogida yana 5 uchrashuv o‘tkazildi.
«Liverpul» — «Manchester Yunayted»
«Liverpul» «Manchester Yunayted»ni mag‘lubiyatga uchratdi. Michigan shtatidagi Enn-Arbor shahrida joylashgan «Michigan» stadionida kechgan uchrashuv mersisaydliklar klubining 4:1 hisobidagi g‘alabasi bilan yakunlandi.
O‘yinda hisob «Liverpul» hujumchisi Sadio Mane tomonidan 28-daqiqada penalti orqali ochilgandi. Uch daqiqa o‘tib Andreas Pereyra hisobni tenglashtirdi. Ikkinchi bo‘limda esa Yurgen Klopp jamoasi mankunianliklar darvozasiga yana 3 gol yo‘lladi. Gollarga Deniyel Starrij, Oluvaseyi Ojo (penalti) va jamoaning yangi futbolchisi Sherdan Shaqiriy mulliflik qilishdi.
Turnir doirasidagi keyingi o‘yinni «Manchester Yunayted» 1 avgust kuni Madridning «Real» klubiga qarshi o‘tkazadi.
International Champions Cup
Manchester Yunayted Angliya – Liverpul Angliya 1:4 (1:1, 0:3)
Gollar: 0:1 – 28, penalti Mane, 1:1 – 31 Pereyra, 1:2 – 66 Starrij, 1:3 – 74, penalti Odjo, 1:4 – 82 Shaqiri.
Manchester Yunayted – Grant (Kashtru, 46), Bayi, Tuanzebe (Uilyams, 81), Darmian, Mata (Fred, 71), Mitchell (Chong, 71), Pereyra, Maktomini, Sanches (Gomes, 81), Errera (Boui, 81), Fosu-Mensa.
Liverpul – Grabara (Kellher, 46), van Deyk (Gomes, 65), Klavan (Filipps, 46), Moreno (Jons, 65), Lallana (Vudbern, 46), Rafael Kamashu (Gruyich, 65), Milner (Chirivelya, 65), Fabino (Robertson, 65), Mane (Odjo, 46), Saloh (Shaqiri, 46), Solanke (Starrij, 65).
Ogohlantirishlar: Fabino (48).
«Manchester Siti» — «Bavariya»
«Manchester Siti» Xalqaro chempionlar kubogi doirasida «Bavariya» bilan o‘ynadi. Mayamidagi «Hard Rok» stadionida kechgan uchrashuv inglizlar klubining 3:2 hisobidagi g‘alabasi bilan yakunlandi. Myunxenliklar jamoasi birinchi bo‘lim davomida 2:0 hisobida oldinda borishayotgandi, ammo o‘yin yakuniga qadar bu ustunlik mag‘lubiyatga aylandi.
Mavzuga oid
G‘oliblar safida portugaliyalik hujumchi Bernardu Silva dubl qayd etdi, u ikkinchi bo‘lim boshida jarohatlangan Riyoz Mahrez o‘rniga maydonga tushirilgandi. Yana bir golni 19 yoshli forvard Lukas Nmecha urdi. Nemislar klubi safida Meritan Shabani va Aren Robben gollarga mualliflik qilishdi.
Ikki klub ham Xalqaro chempionlar kubogi turniridagi ishtirokini yakunladi.
International Champions Cup
Bavariya Germaniya – Manchester Siti Angliya 2:3 (2:1, 0:2) Gollar: 1:0 – 15 Shabani, 2:0 – 24 Robben, 2:1 – 45 Bernardu Silva, 2:2 – 51 Nmecha, 2:3 – 70 Bernardu Silva.
Bavariya – Ulrayx, Richardz, Alaba, Rafinya (Gnabri, 46), Vill (Yohansson, 75), Riberi (Tsilla, 85), Mayyer, Koman, Robben, Shabani, Vagner (Zirke, 75).
Manchester Siti – Bravo, Laport (Gomes, 67), Erik Garsiya, Hamfris, Foden (Garre, 85), Zinchenko, Mahrez (Bernardu Silva, 28), Duglas Luis, Braim Dias (Harrison, 67), Nmecha, Bolton (Bernabe, 66).
Ogohlantirishlar: Bernardu Silva (40).
«Chelsi»— «Inter»
«Chelsi» Xalqaro chempionlar kubogi o‘yinida «Inter»ni mag‘lubiyatga uchratdi. Nitstsa shahridagi «Alyants Rivera» stadionida kechgan uchrashuv londonliklar klubining penaltilar seriyasidagi g‘alabasi bilan yakunlandi (1:1, 5:4).
«Chelsi» 8-daqiqadayoq Pedro Rodrigesning goli evaziga hisobni ochdi. Birinchi bo‘lim londonliklar klubining ustunligida yakunlandi, ikkinchi bo‘lim boshida «Inter» yarim himoyachisi Roberto Galyardini hisobni tenglashtirdi.
Penaltilar seriyasida «Chelsi» futbolchilari 5ta zarbani ham aniq amalga oshirdi. «Inter»da esa to‘rtinchi bo‘lib nuqtaga kelgan himoyachi Milan Shkrinyar xato qildi.
Ikki jamoa uchun ham bu turnirdagi ilk uchrashuv edi. Keyingi o‘yinda «Chelsi» «Arsenal» bilan o‘ynaydi, «Inter» «Lion» bilan uchrashadi. Bu o‘yinlar mos ravishda 1 va 4 avgust kunlarida bo‘lib o‘tadi.
International Champions Cup Chelsi Angliya – Inter Italiya 1:1 (1:0, 0:1, 0:0, 0:0), penaltilar bo‘yicha - 5:4
Gollar: 1:0 – 8 Pedro, 1:1 – 49 Galyardini.
Chelsi – Bulka (Kabalero, 46), Alonso (Emerson, 64), Dzappakosta (Aspilikueta, 46), David Luiz (Kristensen, 65), Ampadu (Ryudiger, 65), Jorjino, Barkli (Bakayoko, 46), Pedro (Mozes, 65), Fabregas (Drinkuoter, 46), Xadson-Odoi (Pyazon, 83), Morata (Abraxam, 65).
Inter – Handanovich, Shkrinyar, Dalbert (Salsedo Mora, 83), D`Ambrozio, de Vrey (Ranokkiya, 65), Asamoa, Galyardini, Kandreva (Karamo, 65), Emmers (Martines, 46), Politano (Dzappa, 83), Ikardi (Rorich, 65).
Penaltilar seriyasi: 1:0, 1:1, 2:1, 2:2, 3:2, 3:3, 4:3, 4:4, 5:4.
Ogohlantirishlar: D`Ambrozio (87).
«Yuventus»— «Benfika»
«Yuventus» Xalqaro chempionlar kubogi doirasida «Benfika»ni mag‘lub etdi. Uchrashuv AQShning Harrison shahridagi «Red Bull Arena»da bo‘lib o‘tgan va italyan klubining penaltilar seriyasidagi g‘alabasi bilan yakunlandi. Uchrashuvning asosiy vaqti 1:1 hisobi bilan yakunlangach, penaltilar seriyasida 4:2 hisobi qayd qilindi.
Uchrashuvda hisobni «Benfika» himoyachisi Alexandro Garsiya 65-daqiqada ochdi. «Yuventus» 2-bo‘lim oxirida himoyachi Luka Klementsaning aniq zarbasi hisobiga hisobni tenglashtira oldi.
Penaltilar seriyasida «Yuve» o‘yinchilari barcha 4ta zarbani bexato amalga oshirishdi, «Benfika» futbolchilari esa 2 marta xatoga yo‘l qo‘yishdi.
Keyingi uchrashuvda «Benfika» 1 avgustda «Lion» bilan, «Yuventus» esa Madridning «Real»i bilan 5 avgustda uchrashadi.
«Barselona» Xalqaro chempionlar kubogi doirasida «Tottenhem»ga qarshi o‘ynadi. Kaliforniya shtatidagi «Rouz Boul» stadionida kechgan uchrashuv katalonlar klubi g‘alabasi bilan yakunlandi. O‘yinning asosiy vaqida durang hisob qayd etilgandi — 2:2, penaltilar seriyasida esa katalonlar klubi ustun keldi — 5:3.
«Barselona» 15-daqiqada Munir El-Haddodiyning goli evaziga hisobni ochgandi. 14 daqiqa o‘tib ko‘k-anorranglilarning yangi a'zosi Artur Ramos ustunlikni oshirdi. Ikkinchi bo‘lim davomida «shporlar» safida Son Xin Min va Jorj-Kevin N'Kudu ikkita gol urib, hisobni tenglashtirishdi.
Penaltilar seriyasida «Barselona» futbolchilari besh zarbani ham aniq amalga oshirdi. «Tottenhem» safida uchinchi bo‘lib nuqtaga yaqinlashgan Entoni Georgiu xato qildi va beshinchi zarbani berishga hojat qolmadi.
International Champions Cup Barselona Ispaniya – Tottenhem Angliya 2:2 (2:0, 0:2, 0:0, 0:0), po penalti - 5:3 Gollar: 1:0 – 15 Munir, 2:0 – 29 Artur, 2:1 – 73 Son Xin Min, 2:2 – 75 Nkudu.
Barselona – Sillessen, Marlon (Mingesa, 46), Langle (Kuenka, 46), Nelson Semedu (Palensiya, 46), Serdji Roberto (Kolyado, 46), Artur (Monchu, 46), Andre Gomesh (Puch, 26), Rafinya (Malkom, 46), Denis Suares (Karles Peres, 22; Tabla, 69), Miranda (Kukurelya, 46), Munir (Abel Ruis, 46).
Tottenhem – Gassaniga (Vorm, 61), Karter-Vikers, Devis, Uoker-Piters (Sanches, 46), Eymos, Lukas Moura (Georgiu, 62), Sissoko (Nkudu, 35), Eriksen, Ore, Lorente (Skipp, 46), Son Xin Min.
Penaltilar seriyasi: 1:0, 1:1, 2:1, 2:2, 3:2, 3:3, 4:3, 5:3.
Ogohlantirishlar: Monchu (69).
