Zangiotada boks bo‘yicha «Hokim kubogi» xalqaro musobaqasi boshlandi

Toshkent viloyati Zangiota tumanida boks bo‘yicha 2000-2001 yillarda tug‘ilgan yoshlar o‘rtasida “Hokim kubogi” xalqaro musobaqasi boshlandi. 

Hokimlikning Kun.uz’ga xabar berishicha, Zangiota tumanida joylashgan akademik litseyda o‘tkazilayotgan musobaqada 17 jamoa g‘oliblik uchun kurash olib bormoqda.

«Yoshlar kelajagimiz» davlat dasturi ijrosi doirasida tashkil etilgan musobaqada Toshkent, Toshkent viloyati, Samarqand, Buxoro, Xorazm, Qoraqalpog‘iston, Farg‘ona, Andijon, Sirdaryo, Rossiya, Tojikiston, Qirg‘iziston, Malayziya, Qozog‘istondan kelgan jami 102 nafar sportchi qatnashmoqda. 

Sportchilardan 77 nafari O‘zbekiston sharafini himoya qilayotgan bo‘lsa, 25 nafar bokschi yoshlar xorijdan kelgan.