NASA Oyga qadam qo‘yish chog‘idagi audio yozuvlarni e'lon qildi

AQSh Aeronavtika va kosmik makonni tadqiq qilish bo‘yicha Milliy boshqarma (NASA) «Apollon 11» missiyasining audio yozuvlarini e'lon qildi. Aynan ushbu missiya davomida AQSh astronavtlari Oyga qadam qo‘ygan. Bu haqda agentlik saytida xabar beriladi.

Ta'kidlanishicha, NASA mutaxassislari «Apollon 11» missiyasi davomida yozib olingan 170ta magnitofon tasmasini raqamlashtirishgan.

Shu bilan birga, Oyga qo‘nish chog‘idagi ovozli yozuvlar 19 ming soatdan ortiqroqni tashkil etadi.

Yozuvlardan birida astronavt Nil Armstrongning afsonaviy iborasini eshitish mumkin: «Inson uchun kichik bir qadam va insoniyat uchun ulkan siljish».