Foto: SPUTNIK / MIKHAIL VOSKRESENSKIY
Rossiya Bosh shtabi boshlig‘i Valeriy Gerasimov Suriyada vaziyatni barqarorlashtirish bo‘yicha choralar tilga olingan maxfiy maktubni AQSh Qurolli kuchlari Shtablar boshliqlari birlashgan qo‘mitasi raisi Jozef Danfordga yuborgan. Bu haqda Reuters xabar qilmoqda.
Gerasimov Vashingtonni Bashar Asad hukumati tomonidan nazorat qilinayotgan tumanlarni tiklashda yordam berishga chaqirgan. Bundan tashqari, Moskva suriyalik qochqinlarni o‘z uylariga qaytarish borasida ham yordam taqdim etilishini xohlamoqda.
Maktubda ko‘rsatilishicha, Suriya rasmiylarida hayotni normallashtirish va infratuzilmani tiklash uchun resurslar yetarli emasdir.
Agentlikning ta'kidlashicha, Vashingtonda Gerasimovning taklifi «juda sovuq» kutib olingan.
