Venesuela Yevroittifoqni qoralab chiqdi

Foto: Xinhua, via Associated Press

Venesuela Tashqi ishlar vazirligi Yevroittifoqni prezident Nikolas Maduroga qilingan suiqasdni tan olishdan bosh tortgani uchun tanqid qildi. Bayonot matni mamlakat tashqi ishlar vaziri Xorxe Arreasaning tvitterdagi sahifasida joylashtirilgan.

Yevroittifoq tomonidan ro‘y bergan voqea tufayli e'lon qilingan izohda, bu hodisa «dron yordamida qilingan hujum», deb atalgan. Biroq, Venesuela tashqi ishlar vaziri Xorxe Arreasaning so‘zlariga ko‘ra, ro‘y bergan narsa «terrorchilik harakati» edi.

Arreasaning aytishicha, Yevroittifoq davlatlari o‘zlarining «irratsional va mustamlakachilik siyosati» qopqonida qolib ketishgan.

Eslatib o‘tamiz, avvalroq Venesuelada Maduroga suiqasdda gumonlanayotganlarning soni ma'lum qilingandi.