Foto: REUTERS
«Barselona» va Argentina terma jamoasi hujumchisi Lionel Messining akasi Matias 2,5 yillik shartli qamoq jazosiga mahkum qilindi.
Ole xabariga ko‘ra, u o‘qotar qurolni noqonuniy saqlashda aybdor deb topildi.
Bundan tashqari Matias jamoat ishlarida ham ishtirok etadigan bo‘ldi - u mahalliy futbol maktablaridan birida, har oyda 8 soat davomida bolalarni shug‘ullantiradi.
Eslatib o‘tamiz, Matias Messi o‘tgan yili noyabr oyida o‘z yaxtasida falokatga uchragan, politsiya esa uning kemasidan o‘qotar qurolini topgan edi. Keyinchalik, Matias qurolning qonuniy saqlanayotganini asoslab berolmagach, uning ustidan jinoiy ish ochilgandi.
