Toshkent shahar IIBB bezorilikda gumon qilingan shaxslardan biri ushlangani haqida xabar berdi.
Qayd etilishicha, «Spark» va «Jiguli»dagi shaxslar o‘rtasidagi hodisa bo‘yicha qidiruvga berilgan shaxslardan biri – 31 yoshli Bekzod Nuritdinov qo‘lga olindi. 1991 yilda tug‘ilgan Shohruh Jo‘rayevni qidiruv ishlari davom etmoqda.
«Hurmatli hamshaharlar! Agar ushbu shaxs haqidagi ma'lumotga ega bo‘lsangiz 102 shoshilinch raqami yoki 272-98-39, 231-95-13, 362-51-14 telefon raqamlariga qo‘ng‘iroq qilishingizni so‘raymiz. Ma'lumot egasining shaxsi sir saqlanishi kafolatlanadi», - deyiladi xabarda.
Nuritdinov Bekzod Paxritdinovich, 1987 yilda tug‘ilgan
Olmazor tumanida yashovchi Jo‘rayev Shoxruh Qobil o‘g‘li, 1991 yilda tug‘ilgan.
Eslatib o‘tamiz, bundan avval Internetda tarqalgan videodagi voqeaning asosiy ishtirokchilari bo‘lgan 2 shaxs qidirilayotgani xabar qilingandi.