Joriy yilning 18-19 avgust kunlari Farg‘ona viloyatining Rishton tumanida “Green city - Yashil shahar” ekofestivali bo‘lib o‘tdi. Tuman hokimlik vakillari bu haqida Kun.uz'ga xabar berishdi.
Ekofestivalda ot, tuya, tuyaqush, kurka, g‘oz, o‘rdak, baliq, quyon, manzarali gullar hamda sayroqi va ko‘rkam qushlar, shuningdek akvarium baliqlarini boqib ko‘paytirish bilan shug‘ullanib kelayotgan yashil tabiat ixlosmandlari ishtirok etmoqda.
“Festival ikki kun davom etadi. Ushbu ekofestival doirasida noyob jonivorlar, turli xil qushlar va gullardan iborat yarmarka tashkil etildi. Rishton tumanining turistik salohiyatini kuchaytirish, ichki va va ekoturizmni rivojlantirish assosiy vazifalarimizdan biridir”, - deydi tuman hokimining o‘rinbosari Abdusalom Siddiqov.
Bundan tashqari, ekofestival doirasida tuman madaniyat bo‘limi tomonidan madaniy-ko‘ngilochar tabdirlar, el ardog‘idagi xonandalar tomonidan milliy kuy-qo‘shiqlar va raqslar dasturi taqdim etildi.
