UFC ikki karra chempionga Nurmagomedov yoki Makgregor bilan jang bo‘yicha rad javobi berdi

Mutlaq jangchilar chempionatining (UFC) ikki karra chempioni Jorj Sen-Per Habib Nurmagomedov - Konor Makgregor jangi g‘olibi bilan kuch sinashmaydi. 

Tashkilot rahbari Dana Uaytning so‘zlariga ko‘ra, kanadalik faqat o‘z shaxsiy manfaatini ko‘zlamoqda, shuning uchun unga rad javobi berildi.

«Menga bu jang qiziq emas. U biladi, unga ko‘p marotaba aytganman. Sen-Per o‘ziga ko‘p pul olib keladigan jang qidirmoqda. Bu yomon emas, u aynan shu bilan shug‘ullanishi kerak. Biroq, biz uchun bu qiziq emas. Yarim o‘rta vaznga qaytish - umuman boshqa masala. Ammo, u jang qila oladimi yoki yo‘qmi, buni bilmayman», - deya Uaytning so‘zlarini keltiradi MMA Mania.

37-yoshli Sen-Per o‘zining so‘nggi jangini Maykl Bispingga qarshi o‘tkazgan bo‘lib, g‘alaba qozongan. 2018 yil iyun oyida u o‘z faoliyatini tugatayotgani haqida e'lon qildi.

Eslatib o‘tamiz, avvalroq UFC sobiq chempioni Nurmagomedov-Makgregor jangi haqida gapirgandi.