Ertaga Murodjon Ahmadaliyev ilk kamari uchun ringga chiqadi

Professional boksdagi faoliyatini davom ettirayotgan Murodjon Ahmadaliyev Toshkent vaqti bilan ertaga, 24 avgust kuni navbatdagi jangini o‘tkazadi. Unda Ahmadaliyevga Roman Kontreras raqiblik qiladi.

Shu munosabat bilan bugun tarozidan o‘tish marosimi bo‘lib o‘tdi. Unda ikkala sportchi ham ishtirok etdi.

Murodjon Ahmadaliyevning KUN.UZ muxbiriga bergan ma'lumotiga ko‘ra, u mazkur jang uchun 5,6 kg vazn tashlashiga to‘g‘ri kelgan. Vazn o‘lchash marosimida u 55,33 kg tosh bosgan.

Eslatib o‘tamiz, Ahmadaliyev ertaga bo‘lib o‘tadigan jangda WBA hududiy chempionlik kamari uchun ringga chiqadi. Bu uning ilk kamar uchun jangi bo‘ladi.