Boks bo‘yicha yengil vazn toifasida jahon chempioni Mayki Garsiya Mutlaq jangchilar chempionatida rossiyalik Habib Nurmagomedov va irlandiyalik Konor Makgregor o‘rtasida bo‘lib o‘tishi rejalashtirilgan jang haqida o‘z fikrini bildirdi.
Garsiyaning fikriga ko‘ra, tashkilotning hozirgi chempioni jangda favorit sanaladi.
«Ochig‘ini aytadigan bo‘lsam, men Habib ishtirokidagi barcha janglarni ko‘rmaganman, biroq, ko‘rgan narsalarimga qaraganda, u Makgregorni mag‘lub etadi. U ishonchli g‘alaba qozonadi. UFC 229 musobaqasiga boramanmi? Ehtimol. Mening jiyanim ushbu turnirga borishni istaydi», - deya uning so‘zlarini keltiradi FightHype.
Makgregor - Nurmagomedov jangi 6 oktabr kuni Las-Vegasda bo‘lib o‘tadi.
Eslatib o‘tamiz, avvalroq UFC prezidenti Makgregor-Nurmagomedov jangi bo‘yicha yangi tafsilotlarni ma'lum qilgandi.
