AQShdagi shartli ravishda muddatdan oldin ozod qilish bo‘yicha komissiya o‘ninchi marotaba Mark Devid Chepmenning ozod qilish bo‘yicha iltimosini rad etdi. Bu haqda New York Daily News xabar bermoqda.
Komissiyaning fikricha, Chepmenning muddatidan ilgari ozod qilinishi «jamiyat farovonligi va xavfsizligiga» xavf tug‘dirishi mumkin, deya ta'kidlanadi nashrda.
Chepmen 1980 yil 8 dekabrda Jon Lennonni o‘ldirgan. U musiqachining orqa tomonidan kelib, besh marta o‘q uzgan. Bu paytda Lennon rafiqasi Yoko Ono bilan ovoz yozish studiyasidan qaytayotgan bo‘lgan. Bu voqeadan bir necha soat avval Chepmen ko‘chada Lennonni uchratib qolgan va undan dastxat so‘ragan.
