BAAlik sarmoyachilar Toshkentda bolalar markazi qurmoqchi

BAAning Warehouse of Games kompaniyasi Toshkentning Yakkasaroy tumanida bolalar uchun ta'lim-bilim, sport va o‘yingoh markazi qurish loyihasini amalga oshirishni rejalashtirmoqda. Bu haqda Toshkent hokimiyati matbuot xizmati xabar berdi.

Toshkent hokimiyatida o‘tgan muzokaralarda sarmoyachilar loyihaga 4 mln dollar kiritish istagini bildirishgan.

Bolalar markazi 0,4-0,5 gektar maydonda barpo etilib, 2 yoshdan 14 yoshgacha bo‘lgan bolalarning ijtimoiy va madaniy rivojlanishi uchun xizmat qiladi. Bundan tashqari, markazda 35 ta doimiy ish o‘rni tashkil etiladi.

Markazni 2019 yil oxirida foydalanishga topshirish rejalashtirilmoqda.