OAV Pentagonning Suriya bo‘yicha yangi rejalarini ma'lum qildi

Suriyaning Dayr-az-Zor viloyatidagi harbiy assambleyaning sobiq qo‘mondoni Fayz Al-Asmarning ma'lum qilishicha, Pentagon Suriya shimolida havo mudofaasi tizimi joylashtirishni rejalashtirmoqda. Bu haqda Yeni Safak yozmoqda.

Nashr ma'lumotlariga ko‘ra, Amerika tomoni Tal Baydor, Kobani va Sarri tumanlarida 13ta razvedka tizimi hamda uchta modifikatsiyalangan radiolokatsion tizimni o‘rnatib bo‘lgan.

«AQShning keyingi qadamiga mintaqada raketaga qarshi mudofaa tizimini yaratish aylanadi», - deya aytib o‘tdi Al-Asmar.

Uning qo‘shimcha qilishicha, bunday tizim Suriya hududida «betartiblikni yaratish» bo‘yicha AQSh rejasining bir qismi bo‘ladi.

Eslatib o‘tamiz, avvalroq Suriya AQSh zarbasiga tayyorgarlik ko‘rayotgani haqida xabarlar tarqalgandi.