Toshkentda yana bir Mersedes-Benz avtobusi yonib ketdi

Toshkentda 29 avgust soat 20:17 atrofida 131-yo‘nalish bo‘yicha qatnovchi Mersedes-Benz Low Conecto markasidagi yo‘lovchi avtobusi yonib ketdi.

Toshkent shahar IIBB ma'lumotlariga ko‘ra, 12-sonli avtosaroyga qarashli avtobusga Olmazor tumanidagi “Ziyolilar” bekati yonida o‘t ketgan. Voqea joyiga 20:22 da ikkita o‘t o‘chirish raschyoti yetib kelgan. Yong‘in soat 20:26da bartaraf etilgan. 

Yong‘in avtobusning motor bo‘limida yuz bergan. Bunga avtobusning yonilg‘i tizimidagi nosozlik sabab bo‘lgan. Yong‘in oqibatida hech kimga shikast yetmagan.