Toshkentda mushakbozlikni tomosha qilmoqchi bo‘lganlar uchun maxsus avtobus qatnovlari yo‘lga qo‘yiladi 

O‘zbekiston Respublikasi Mustaqilligining 27 yilligi bayrami munosabati bilan poytaxt Toshkent shahrida bayram tantanalari va xalq sayllari bo‘lib o‘tadi. Bayramni ko‘tarinki ruhda o‘tkazish va aholiga qulaylik yaratish maqsadida shaharning ayrim ko‘cha va yo‘llarida transport vositalarining harakati cheklanadi, deb xabar bermoqda poytaxt IIBB.

31 avgust kuni soat 15:00 dan 23:00 ga qadar quyidagi ko‘chalarda transport vositalarining harakatlanishi vaqtincha to‘xtatiladi:

Amir Temur ko‘chasi – Islom Karimov ko‘chasidan Navoiy ko‘chasigacha;
Buxoro ko‘chasi – Taras Shevchenko ko‘chasidan Amir Temur ko‘chasigacha;
Islom Karimov ko‘chasi — Taras Shevchenko ko‘chasidan Amir Temur ko‘chasigacha;
Matbuotchilar ko‘chasi – Nuroniylar ko‘chasidan Amir Temur xiyobonigacha;
Istiqlol ko‘chasi – Zarafshon ko‘chasidan Istiqbol xiyobonigacha;
Oloy ko‘chasi – Shahrisabz ko‘chasidan Istiqlol ko‘chasigacha;
Mustaqillik ko‘chasi – Shahrisabz ko‘chasidan Amir Temur xiyobonigacha;
Mahtumquli ko‘chasi — Shahrisabz ko‘chasidan Amir Temur xiyobonigacha;
Istiqbol ko‘chasi — Shahrisabz ko‘chasidan Amir Temur xiyobonigacha;

Shuningdek, 1 sentabr kuni Xalqlar do‘stligi saroyi oldidagi maydonda bayram sayllarining o‘tkazilishi munosabati bilan soat 14:00 dan qo‘yidagi ko‘chalarda transport vositalarining harakatlanishi vaqtincha cheklanadi:

• Seul ko‘chasining Bunyodkor ko‘chasidan Furqat ko‘chasigacha bo‘lgan qismi
• Bobur ko‘chasining O‘rikzor ko‘chasidan Sharshara ko‘chasigacha bo‘lgan qismi
• Furqat ko‘chasining Sharshara ko‘chasidan Islom Karimov ko‘chasigacha bo‘lgan qismi
• Beshyog‘och ko‘chasining Furqat ko‘chasidan Islom Karimov ko‘chasigacha bo‘lgan qismi
• Karimov ko‘chasining Sh.Rashidov ko‘chasidan Qoratosh ko‘chasigacha bo‘lgan qismi
• Afrosiyob ko‘chasining Sh. Rashidov ko‘chasidan Islom Karimov ko‘chasigacha bo‘lgan qismi
• Chilonzor ko‘chasining Muqumiy ko‘chasidan Novza ko‘chasigacha bo‘lgan qismi
• Novza ko‘chasining Chilonzor ko‘chasidan Bunyodkor ko‘chasigacha bo‘lgan qismi

Soat 18:00dan esa:

- Baynalminal ko‘chasining Bunyodkor ko‘chasidan Muqumiy ko‘chasigacha bo‘lgan qismi
- I. Karimov ko‘chasining Beshyog‘och ko‘chasidan Sharof Rashidov ko‘chasigacha bo‘lgan qismida transport vositalarining harakati vaqtincha cheklanadi.

Poytaxt aholisi hamda mehmonlari uchun qo‘shimcha qulaylik yaratish maqsadida shaharning qator ko‘chalarida avtoturargohlar tashkil etilib, mushakbozlikni tomosha qilish istagida bo‘lganlar uchun maxsus avtobus qatnovlari yo‘lga qo‘yiladi.

Avtotransport vositalarini qoldirish mumkin bo‘lgan ko‘chalar ro‘yxati bilan tanishing:

- Olmazor ko‘chasining Navoiy ko‘chasidan I.Karimov ko‘chasigacha bo‘lgan qismida;
- I.Karimov ko‘chasining Olmazor ko‘chasidan Beshyog‘och ko‘chasigacha bo‘lgan qismida;
- Qoratosh ko‘chasining Samarqand darvoza ko‘chasidan Bunyodkor ko‘chasigacha bo‘lgan qismida;
- Bratislava ko‘chasining Shota Rustaveli ko‘chasidan Bobur ko‘chasigacha bo‘lgan qismida;
- Bobur ko‘chasining Shota Rustaveli ko‘chasidan Furqat ko‘chasigacha bo‘lgan qismida;
- Baynalminal ko‘chasining Oqtepa maydonidan Bunyodkor ko‘chasigacha bo‘lgan qismida.

Maxsus jamoat transportlari, ya'ni avtobuslarning quyidagi ko‘chalarda bepul harakati yo‘lga qo‘yiladi:

- Bobur ko‘chasining Shota Rustaveli ko‘chasidan Sharshara ko‘chasigacha bo‘lgan qismida;
- I.Karimov ko‘chasining Olmazor ko‘chasidan Furqat ko‘chasigacha bo‘lgan qismida;
- Qoratosh ko‘chasining Samarqand darvoza ko‘chasidan Bunyodkor ko‘chasigacha bo‘lgan qismida;
- hamda Furqat ko‘chasining Navoiy ko‘chasidan I.Karimov ko‘chasigacha bo‘lgan qismida.

Shuningdek, mushakbozlikni poytaxtdagi 11 ta madaniyat va istirohat bog‘laridan tomosha qilish mumkin bo‘ladi. Bular: G‘afur G‘ulom, Abdulla Qodiriy, Bobur, Mirzo Ulug‘bek va Furqat nomidagi hamda «Lokomotiv-Anhor», «Ashxobod», «Quyoshcha nuri», «Bog‘ishamol», «Do‘stlik» va «Grin Park» bog‘lari, Toshkent hayvonot bog‘i, shuningdek «MEGA PLANET» savdo-ko‘ngilochar majmuasi hamda Respublika Baynalmilal madaniyat markazi oldidagi maydonlar.

Ushbu maskanlarda 1-4 sentabr kunlari xalq bayram sayllari ham o‘tkaziladi. 

“Hurmatli haydovchilar! Bayram sayllari kunlarida imkon qadar jamoat transporti xizmatlaridan foydalanishingizni tavsiya qilamiz”, - deyiladi IIBB xabarida.