Osiyoning eng qimmatbaho kompaniyasi, onlayn-o‘yinlar ishlab chiqaruvchi Tencent Holdings aksiyalari 31 avgustda Hongkong birjasida 4,87 foizga arzonlashib, bir dona aksiyasi narxi 340 Hongkong dollarigacha tushib ketdi. Oqibatda kompaniyaning kapitallashuvi qiymati 3,4 trln Hongkong dollarigacha (433 mlrd dollar) tushib ketgan. Kompaniya bir kun ichida 20 mlrd dollarga arzonlashib, Osiyoning eng qimmatbaho kompaniyasi maqomini Alibaba’ga (kapitallashuvi 462 mlrd dollar) boy bergan.
Tencent aksiyalarining keskin arzonlashishi Xitoy hukumati mamlakatda uzoqni yaxshi ko‘ra olmaslikning avj olishiga qarshi kurashni kuchaytirishga qaror qilgandan keyin yuz bergan.
30 avgustda Xitoy ta'lim vazirligi ushbu sohani tartibga soluvchi idoradan yangi onlayn-o‘yinlar chiqarilishini, bolalar ularni o‘ynashi mumkin bo‘lgan vaqtni cheklashni talab qilgan.
Buning natijasida Tencent rahbari Ma Xuaten (Poni Ma kabi ham ma'lum) bir kun ichida 316 mln dollar yo‘qotgan va uning boyligi 36,3 mlrd dollargacha kamaygan.
Tencent bilan bir qatorda Xitoyning onlayn-ko‘ngilochish bozorining qolgan yetakchilarining aksiyalari ham arzonlashib ketgan.
