Polsha prezidenti Ikkinchi jahon urushining muhim sabog‘i haqida gapirdi

Polsha prezidenti Anjyey Dudaning ma'lum qilishicha, Ikkinchi jahon urushi Polsha va butun dunyo uchun juda muhim saboq hisoblanadi. Polsha yetakchisining so‘zlari RIA «Novosti» tomonidan keltirilgan.

«Bu Polsha, polyaklar, birinchi navbatda, butun dunyo uchun juda muhim saboq. Bunda o‘ziga tinchlikning mutlaq kafolatini aks ettiruvchi hamkorlik, hurmat, xalqaro huquqqa rioya etish o‘ta muhim narsa ekani aniqdir», - dedi Duda urush boshlanganining 79 yilligi munosabati bilan Polsha shimolidagi Tcheveda tashkil etilgan xotirlash marosimidagi chiqishi vaqtida.

Shuningdek, uning ta'kidlashicha, Polsha urushda «katta yo‘qotishlarga» uchragan. Uning so‘zlariga ko‘ra, mamlakat ikki dushman, «mustabid» SSSR va fashistlar Germaniyasi o‘rtasida «parchalab tashlangan».