Xorazmda “Lasetti” ag‘darilib ketdi, bir kishi halok bo‘ldi

Xorazm viloyatining Xazorasp tumanida mudhish yo‘l-transport hodisasi yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Ma'lum bo‘lishicha, 2018 yilning 4 sentabr kuni Farg‘ona viloyatida yashovchi O.A. boshqaruvidagi “Lasetti” rusumli avtomashinani Sarimoy qishlog‘i hududidan o‘tuvchi yo‘lining 510-km.da haydab ketayotib boshqaruvni eplay olmay yo‘l chetiga ag‘darilib ketgan. 

Natijada avtomashina haydovchining turmush o‘rtog‘i N.A. ismli ayol jarohat olib kasalxonaga yotqizilgan. Ammo ko‘rsatilgan tibbiy muolajalarga qaramay vafot etgan.

Mazkur holat yuzasidan jinoyat ishi qo‘zg‘atilib, tergov harakatlari olib borilmoqda.