Skripallarni zaharlagan shaxslar tasvirlangan video paydo bo‘ldi

Britaniya hukumati tomonidan «Novichok» asab-falajlovchi modda yordamida hujum sodir etganlikda ayblanayotgan rossiyalik Aleksandr Petrov va Ruslan Boshirov Solsberidagi antiqa narsalar bilan savdo qiluvchi do‘kon videokuzatuv kameralariga tushib qolgan. Bu haqda Daily Mail xabar berib, videoyozuvni e'lon qildi.

{Yii::t(}

O'tkazib yuborish 6s

Bildirilishicha, tasvirlar 4 mart, yakshanba kuni, GRU sobiq xodimi Sergey Skripal va uning qizi Yuliya «Novichok» bilan zaharlanganidan bir necha daqiqa o‘tib olingan. Videoda ikki kishi do‘kon yonidan o‘tib ketishi, keyin to‘xtab, peshtaxtalarga qarashi tasvirlangan. Daily Mail’ning yozishicha, bu Petrov va Boshirov bo‘lib, ular shaharni tark etish uchun vokzalga yo‘l olishayotgan bo‘lgan. Erkaklar xotirjam va quvnoq ko‘ringan. Do‘kon egalarining ma'lum qilishicha, rossiyaliklarni peshtaxtadagi noyob tangalar to‘plami o‘ziga jalb etgan. Do‘konning o‘zi yakshanba kuni yopiq bo‘lgan.

Eslatib o‘tamiz, avvalroq London Putinni Skripallarni zaharlashda ayblagandi.

#Buyuk Britaniya #Sergey Skripal