Toshkent-Vladivostok yo‘nalishi bo‘yicha muntazam qatnovlar yo‘lga qo‘yildi

“O‘zbekiston havo yo‘llari” aviakompaniyasi Vladivostok-Toshkent yo‘nalishi bo‘yicha muntazam qatnovlarni yo‘lga qo‘ydi, deb xabar berdi Vladivostok xalqaro aeroporti sayti.

Qayd etilishicha, reyslar haftada bir marta shanba kunlari “Boing 767-300” samolyotlarida amalga oshiriladi.

"Markaziy Osiyoning eng yirik megapolisiga muntazam reysning ochilishi Primore va MDH mamlakatlari o‘rtasida yo‘lovchilar oqimining o‘sishiga xizmat qiladi va har ikki mintaqa aviasayohatchilari uchun qo‘shimcha imkoniyatlarni taqdim etadi", - deydi aeroportning aviatsion tijorat bo‘yicha direktori Aleksandr Bobrov.

Ilgari aviakompaniya mazkur yo‘nalish bo‘yicha parvozlarni charter dasturi asosida amalga oshirib kelayotgandi.