16:40 / 21.09.2018
13310

Poroshenko «Bi-bi-si»ni sudga berdi

Foto: MYKOLA LAZARENKO/TASS

Ukraina prezidenti Pyotr Poroshenko «Bi-bi-si»ni sudga berdi. Bunga u AQSh prezidenti Donald Tramp bilan uchrashuv uchun pul to‘lagani haqida xabar tarqatilgani sabab bo‘lgan, deb xabar qilmoqda Telegraph.

Ukraina rahbarining huquqshunoslari ma'lum qilishlaricha, bu ma'lumot haqiqatga to‘g‘ri kelmaydi va Poroshenkoning «shaxsiyati hamda qadr-qimmati daxlsizligi»ga qarshi qaratilgandi. Advokatlarning so‘zlariga ko‘ra, xabar juda salbiy ta'sirga ega bo‘lgan, sababi Poroshenko Ukrainada korrupsiyaga qarshi choralarni joriy etishda faol ishtirok etyapti.

Ta'kidlanishicha, «Bi-bi-si» Ukraina prezidentining xabar bo‘yicha shikoyatini qanoatlantirishdan bosh tortgan va u o‘chirib yuborilmagan.

Eslatib o‘tamiz, avvalroq Poroshenko Rossiya bilan do‘stlik to‘g‘risidagi shartnomani bekor qilgandi. 

Top