«Bugun biz Rossiyaga tegishli notani topshirdik», - dedi u. Unda, Klimkinning so‘zlariga qaraganda, ushbu shartnomaning barcha tomonlari Rossiya tomonidan buzilganiga oid ma'lumot mavjud.
«Bu Rossiya Federatsiyasining Ukrainaga qarshi qurolli tajovuzi, Rossiya Federatsiyasining gibridli tajovuzi, iqtisodiy bosim, shuningdek, Ukraina fuqarolarining huquqlarini buzishga aloqadordir. Ushbu shartnoma Rossiya Federatsiyasi tomonidan tubdan buzildi va shuning uchun uzaytirilmaydi», - deya qo‘shimcha qilib o‘tdi vazir.
Klimkinning ko‘rsatishicha, Kiyev Moskva bilan tuzilgan shartnomalarni qayta ko‘rib chiqishni davom ettiradi. «Ikki tomonlama huquqiy asosni tubdan qayta ko‘rib chiqish kerak», - deya ta'kidlab o‘tdi u.
Uning so‘zlariga ko‘ra, hujjatlarni ko‘rib chiqishda Ukraina faqat o‘z manfaatlaridan kelib chiqadi. Klimkin Kiyev o‘zgartirish yoki bekor qilishni rejalashtirayotgan aniq hujjatlarni oshkor etmadi.
Eslatib o‘tamiz, avvalroq Poroshenko Rossiya bilan do‘stlik to‘g‘risidagi shartnomani bekor qilgandi.
