Ispaniya chempionatida 5-tur yakunlandi. Bu turda «Barselona» ham g‘alabasiz seriyasini yakunlashga majbur bo‘ldi va o‘z o‘yinida g‘alaba qozongan «Real» ochkolar soni bo‘yicha kataloniyaliklarni quvib yetdi. «Tribuna» Primerada tur yakunlarini sarhisob qiladi.
«Qirollik klubi» - muhimi ochko
«Real» - «Espanol» - 1:0 (1:0)
Gol: Asensio, 41.
«Real»: Kurtua, Odriosola, Varan, Serxio Ramos, Nacho, Modrich, Kazemiru, Sebalos (Vaskes, 63), Isko (Lorente, 79), Benzema (Dias, 60), Asensio.
«Espanol»: Diyego Lopes, Xavi Lopes, Naldu, Ermoso, Vila, Peres (Serxio Garsiya, 70), Granero, Roka, Darder (Viktor Sanches, 55), Pyatti (Leu Baptistan, 55), Borxa Iglesias.
Ogohlantirishlar: Nacho, 6. Roka, 26. Xavi Lopes, 45+2. Kazemiru, 77.
Hakam: Mateu Laos (Ispaniya).
22 sentabr. Madrid. «Santyago Bernabeu» stadioni.
A'lo start
Keyingi 10 yilda Ispaniya chempionati turnir jadvalida 8-o‘rindan yuqoriga ko‘tarila olmagan «Espanol» bir boshi yuqori sakrab, mavsumni juda yaxshi boshladi. 4 turdan keyin «to‘tiqushlar» jamoasi 2 g‘alaba va 1 durang evaziga 7 ochko bilan to‘rtinchi o‘rinda joylashgandi. Kataloniyaliklar «Valensiya» (2:0) va «Levante»ni (1:0) mag‘lub etishgandi. Jamoa 5-tur arafasida ikkinchi o‘rindagi «Real»dan 3 ochko ortda edi va jamoa Madridga «kuchli uchlik»ka kirish maqsadida kelgandi.
22 yil g‘alabasiz
Lekin bu ish juda murakkabligi ayon edi. Statistika katalonlarga butkul qarshi. «Espanol» Madridda oxirgi marta 1996 yilning aprelida g‘alaba qozongan, o‘shanda Jordi Lardin «Santyago Bernabeu»da dubl qayd etib, jamoasi 3 ochko bilan qaytishini ta'minlagandi. O‘shandan buyon o‘tgan 22 yil davomida jamoa Madriddagi stadion gazoniga 22 bor chiqdi va 19 marta mag‘lub bo‘lib, 3 bor durang o‘ynadi. Oxirgi 5 o‘yinda «Qirollik klubi» yirik hisoblarda g‘alaba qozongan, to‘plar nisbati - 16:1.
Beylga dam va Odriosolada debyut
Madridliklar ham YeChLda ishtirok etayotgani tufayli jamoa bosh murabbiyi Xulen Lopetegi rotatsiyalar amalga oshirdi. U Chempionlar ligasi doirasida «Roma» darvozasiga ajoyib gol urgan Garet Beylga dam berishga qaror qildi va Asensio asosiy tarkibda harakat qildi. Shuningdek, Sebalos maydonda ilk daqiqalardan harakat qildi. Jamoaning yangi a'zosi, bask himoyachisi Odriosola esa bu o‘yinda debyutini amalga oshirdi. «Real»ni oldindagi haftada 3 o‘yin kutib turibdi: 26-29 sentabr kunlari Ispaniya chempionati doirasida «Sevilya» (safarda) va «Atletiko»ga qarshi (uyda), 2 oktabr kuni YeChL doirasida TsSKAga qarshi o‘yin (safar). Shunday ekan, yetakchilarga dam, yoshlarga o‘yin amaliyoti.
«Yovvoyi to‘tiqushlar»
«Espanol» bilan mavsumni yaxshi boshlagan yangi murabbiy Runi «to‘tiqushlar» kiyim almashtirish xonasida shijoat va yaxshi kayfiyat muhitini hosil qildi. Bu jamoaning o‘yin sifati ham oshgan, jamoa faqat ijroda oqsadi, ba'zan Kurtua qutqardi, ba'zan zarbalar xato ketdi. Hech bir vaziyatda «popugaylar» «Santyago Bernabeu»ga shunchaki adashib kirib qolgan qushga o‘xshashmadi: bu yovvoyi, o‘z maqsadi uchun, har bir to‘p uchun qattiq kurashadigan jamoa edi.
VAR tizimi va Asensio
Ammo «Espanol» turnir jadvalida «Real»ni quvib yetolmaydigan bo‘ldi. O‘yindagi yagona gol Asensio tomonidan urildi. «Qirollik klubi» yetakchilaridan biriga aylanib borayotgan bu yosh futbolchi raqib jarima maydoni ichida Modrichdan pas qabul qilib oldi va kuchli zarba bergan holda to‘pni darvoza to‘rining uzoq burchagiga joyladi. O‘yin hakami Benzema passiv ofsayd holatida bo‘lganiga chalg‘idi va videotakrorga murojaat qilishga to‘g‘ri keldi. Bu jarayonga bir necha daqiqa ketdi va yakunda gol inobatga olindi.
O‘yinda muxlislar boshqa gol ko‘rishmadi. Mehmon jamoa maqsadiga erisha olmadi - 23-o‘yinda ham g‘alaba qozonilmadi. Bu o‘yindan keyin madridliklar bu turda «Barselona» ochko yo‘qotishiga umid qilishardi.
«Jirona» o‘z tarixida ilk marta «Kamp Nou»da ochko oldi
«Barselona» – «Jirona» – 2:2 (1:1)
Gollar: Messi, 19 (1:0). Stuani, 45 (1:1). Stuani, 51 (1:2). Pike, 63 (2:2).
«Barselona»: ter Shtegen, Semedu, Pike, Langle, Jordi Alba, Artur (Rakitich, 58), Buskets, Vidal (Koutinyu, 58), Messi, L.Suares, Dembele (Yumtiti, 46).
«Jirona»: Bunu, Aday, Espinosa, Alkala, Xuanpe, Munesa, Aleyks Garsiya (Borxa, 46), Pere Pons, Granel (Duglas Luis, 72), Stuani, Portu (Dumbya, 85).
Ogohlantirishlar: Semedu, 12. Artur, 15. Stuani, 16. Espinosa, 39. Xuanpe, 61. Alkala, 68. Pike, 81.
Chetlatish: Langle, 35.
Hakam: Xil Mansano.
23 sentabr. Barselona. «Nou Kamp» stadioni.
Mayami bo‘ladimi yoki yo‘q?
Bir necha oy muqaddam hech kim «Barselona» va «Jirona» o‘rtasidagi o‘yin Ispaniyada mavsumning eng ko‘p muhokama qilinadigan o‘yini bo‘lishini taxmin qila olmasdi. La Liga prezidenti Xaver Tebas tashabbusi bilan avgust oyida shtab-kvartirasi Mayamida joylashgan, sport sohasiga e'tiborini qaratgan mediakompaniya bilan shartnoma imzolandi. Kelishuv 15 yil muddatga tuzilgan bo‘lib, unga ko‘ra har yili Ispaniyaning kuchli jamoalari - «Real», «Barselona» va «Atletiko» jamoalari ishtirokidagi bir necha o‘yinni (o‘rtoqlik uchrashuvlari emas, Ispaniya chempionati doirasidagi o‘yinlar) AQSh hududida o‘tkazish nazarda tutilgan.
Bu yangilik ortidan aniq qaror ham qabul qilindi: La Liganing AQSh hududida, Mayamida o‘tkaziladigan ilk o‘yini - 2019 yilning 26 yanvariga belgilangan «Barselona» va «Jirona» o‘rtasidagi ikkinchi davri bahsi bo‘lishi ma'lum qilindi. Lekin hozirgacha hech kim klublarning o‘zi bu g‘oyaga qarshimi yoki qo‘shiladimi, buni bila olmay kelmoqda. Xabarlarda aytilishicha, «Barselona» rahbariyati jamoa sardorlari hamda Tebasning taklifiga qat'iy qarshilik qilib kelgan Ispaniya futbolchilar assotsiatsiyasi rahbariyati ishtirokidagi yig‘ilishda o‘yinni AQShda o‘tkazish haqida qaror qabul qilgan. «Jirona» vakillari bu yig‘ilishda ishtirok etmagan. Keyinroq, klublar prezidentlari o‘yin AQShga ko‘chirilishiga roziligi, ammo bunga Qirollik futbol federatsiyasi qarshiligi haqida xabar tarqaldi... Hozircha aniq gap yo‘q, ammo Kataloniyaning bu ikki jamoasi uchrashuvi barchaning diqqatini o‘ziga qaratib bo‘ldi.
Ko‘k-anorrangcha rotatsiya
Hozircha birinchi davradagi katalon derbisiga «Kamp Nou» mezbonlik qildi. «Barselona»da taqvim juda tig‘iz - jamoa keyingi 1 haftada 3 o‘yin o‘tkazadi. 26-29 sentabr kunlarida Ispaniya chempionati doirasida «Leganes» va «Atletik»ka qarshi o‘yinlar, 3 oktabr kuni YeChL doirasida «Tottenhem»ga qarshi safar o‘yin kutmoqda.
YeChL tufayli jamoa ichki chempionatda rotatsiyalar qilishga majbur, shuning uchun «Jirona»ga qarshi o‘yinda birinchi daqiqalardanoq Artur va Arturo Vidal boshlang‘ich tarkibda harakat qildi, Yumtiti, Rakitich va Koutino zaxirada qoldirildi.
Messining yangi yutug‘i
O‘yin boshlanishi bilan Kataloniya klubi yetakchisi Lionel Messi navbatdagi rekordni o‘rnatdi. Ushbu argentinalik futbolchi La Ligada eng ko‘p o‘yin o‘tkazgan xorijlik futbolchiga aylandi - 423 o‘yin. U bu orqali sobiq jamoadoshi, braziliyalik himoyachi Dani Alvesni (422) ortda qoldirdi. Bu borada uchinchi ko‘rsatkich rossiyalik sobiq futbolchi, turli yillarda «Selta» va «Real Sosedad» klublarida to‘p surgan Valeriy Karpinga tegishli (384).
Messi o‘z rekordini yangi imiji bilan qarshi oldi - u o‘yindan oldin soqolini oldirdi. Bu soqol keyingi yillarda uning muvaffaqiyati ramziga aylangandi. U bilan birga maydonga Jyerar Pike ham soqolsiz tushib kelgandi. Ushbu ikki futbolchi ham keyingi yillardagi qiyofasini butkul yo‘qotgandi. O‘yinda aynan soqolsiz qolgan futbolchilar bittadan gol urishdi. Avvaliga Messi Vidalning pasini golga aylantirdi, Pike ikkinchi bo‘limda ikkinchi golni urdi. Uning bosh bilan urgan goli jamoani mag‘lubiyatdan qutqaruvchi golga aylandi.
Buyuk Stuani
O‘tgan mavsumda «Jirona»da ikkinchi yoshligini boshlagan Kristian Stuani bu bosqichni bu mavsumda ham davom ettirmoqda. O‘tgan mavsumda 21 gol urib, 5 golga uzatma bergan 31 yoshli hujumchi mavsum to‘purarlari qatorida bo‘lgan va o‘z o‘yini bilan terma jamoaga chaqirilib, Rossiyada bo‘lib o‘tgan jahon chempionatida ishtirok etgandi. Joriy mavsumda esa u 5 o‘yinda 5 gol urishga ulgurdi. Shu gollardan ikkitasini «Barselona» darvozasiga.
Bu orqali Stuani bir kalendar yilida «Real» va «Barselona»ga dubl qayd etgan 21 asrdagi ilk futbolchiga aylandi.
Qayd etish kerakki, «Jirona» gollarni raqib bir kishi kamchilik bo‘lib qolganidan keyin urdi. 35-daqiqada o‘yin hakami Xesus Xil Mansano VAR arbitri bilan maslahatlashuvdan keyin mezbonlar himoyachisi Langleni raqibning yuziga tirsak bilan zarba bergani uchun maydondan chetlatdi. Jamoa bir kishi kam bo‘lgan holda o‘yinda ochko olishi kerak edi, minimum vazifa uddalandi, ammo g‘alabali hisob saqlab qolinmadi. «Barselona» joriy mavsumda ilk marta ochko yo‘qotdi, «Jirona» esa derbida ilk marta ochko oldi.
Lemarning birinchi goli
«Xetafe» – «Atletiko» 0:2
Gollar: 0:1 – 14, avtogol Soriya, 0:2 – 60 Lemar.
«Xetafe» – Soriya, Kabrera, Bruno Gonsales, Antunesh, Dakonam (Kristoforo, 78), Portilo, Arambarri, Ndiayye (Ivan Alexo, 63), Suares, Anxel, Molina (Serxi Gvardiola, 70).
«Atletiko» – Oblak, Ximenes, Filipe Luis (Godin, 71), Xuanfran, Lyuka Ernandes, Koke, Rodri Ernandes (Parti, 58), Saul, Lemar (Korrea, 80), Diyego Kosta, Grizmann.
Ogohlantirishlar: Suares (56), Saul (82), Xuanfran (84).
Chetlatish: Ivan Alexo (67).
Diyego Simeone jamoasi asta-sekin o‘ziga kelmoqda. «Matraschilar» jamoasi 12 o‘yindan buyon o‘zlariga gol ura olmay kelayotgan jamoani yana mag‘lub etishdi. «Xetafe» o‘tgan turda «Sevilya»ni mag‘lubiyatga uchratgandi va Madrid jamoasiga qarshi o‘yinlardagi «qora seriya»ni to‘xtatishga ham yaqin edi. Ammo «Atletiko» pragmatik o‘yin ko‘rsatib, g‘alabaga erishdi. Birinchi bo‘limda mehmonlar jamoasi darvozaga bironta aniq zarba berishmadi, lekin Lemar tepgan to‘p darvoza to‘sinidan qaytib, darvozabon Soriyaning yelkasiga tekkan holda darvoza to‘riga borib tushdi.
Toma Lemar ikkinchi bo‘limda Ispaniyadagi birinchi golini urishga muvaffaq bo‘ldi. Qarshi hujum vaqtida Koke uni genial pas bilan ta'minladi va fransiyalik futbolchi to‘pga oyog‘ini qo‘yishi kifoya qildi.
«Sevilya»dan gollar yomg‘iri
Beqaror «Sevilya» bu turda «Levante» ustidan yirik g‘alabaga erishdi. Valensiyadagi «Syudad de Valensiya» stadionida kechgan uchrashuv mehmonlar jamoasining 6:2 hisobidagi g‘alabasi bilan yakunlandi.
O‘yinda hisob 1:2 bo‘lib turganida andalusiyaliklar darvozaboni Vatslik penaltidan berilgan zarbani qaytarib, jamoasi ustunligini saqlab qoldi. Mezbonlar «Sevilya» hujumchilari Pablo Sarabiya va Vissam Ben-Yyedderni to‘xtatib qola olishmadi, birinchisi 1 gol va 3 golli uzatma muallifi bo‘lgan bo‘lsa, ikkinchisi 3 gol va 1 uzatma muallifiga aylandi. O‘yinda yana Daniel Karrisu va Andre Silva ham bittadan gol urishdi.
«Sevilya» endilikda ochkolari sonini 7taga yetkazgan va turnir jadvalida 6-o‘rinda joylashgan. «Levante» 4 ochkosi bilan 15-pog‘onada qolmoqda. Keyingi turda Sevilyaga «Real» keladi.
Ispaniya chempionati
5-tur
«Levante» – «Sevilya» 2:6 (1:4, 1:2)
Gollar: 0:1 – 11 Ben-Yyedder, 1:1 – 12 Marti, 1:2 – 21 Karrisu, 1:3 – 35 Ben-Yyedder, 1:4 – 45 Ben-Yyedder, 1:5 – 49 Andre Silva, 1:6 – 59 Sarabiya, 2:6 – 90, avtogol Ker.
«Levante» – Olasabal, Postigo, Luna, Pedro Lopes, Rober, Bardi, Kampanya (Saymon, 73), Prtsich (Vukchevich, 61), Morales, Marti (Boateng, 61), Mayoral.
«Sevilya» – Vatslik, Karrisu, Ker, Gomes, Sarabiya (Muriel, 73), Aleish Vidal, Vaskes, Navas, Banega (Mesa, 63), Ben-Yyedder (Promes, 63), Andre Silva.
Ogohlantirishlar: Postigo (20), Aleish Vidal (62).
«Vilyarreal» – «Valensiya» 0:0 (0:0, 0:0)
«Vilyarreal» – Asenxo, Layyun, Ruis, Alvaro Gonsales, Funes Mori, Fornals (Pedrasa, 67), Trigeros, Mario Gaspar, Kosta (Kasorla, 73), Moreno, Bakka (Toko-Ekambi, 81).
«Valensiya» – Neto, Gabriel, Gayya, Pichchini, Diakabi, Ferran Torres (Gonsalu Gedesh, 56), Soler, Parexo, Cheryshev, Gameyro (Koklen, 61), Santi Mina (Batshuayi, 46).
Ogohlantirishlar: Diakabi (22), Kosta (38), Layyun (63), Funes Mori (84), Mario Gaspar (90).
Chetlatish: Parexo (58).
«Betis» – «Atletik» 2:2 (0:2, 2:0)
Gollar: 0:1 – 7 Inyaki Uilyams, 0:2 – 18 Raul Garsiya, 1:2 – 51 Bartra, 2:2 – 68 Kanales.
«Betis» – Lopes, Bartra, Sidney, Firpo (Telo, 62), Mandi, Guardado, Gerrero (Inui, 78), Kanales, Lo Chelso (Moron, 65), Sanches, Sanabriya.
«Atletik» – Mendibil, Martines, Yyeray Alvares, Berchiche, De Markos, Raul Garsiya (Kapa, 56), Benyat (San Xose, 73), Susayeta, Dani Garsiya, Balensiaga, Inyaki Uilyams (Muniain, 82).
Ogohlantirishlar: Susayeta (38), Yyeray Alvares (40), Benyat (45), Berchiche (50), Kanales (53), Sidney (70), Martines (87), Mendibil (90).
Chetlatish: Susayeta (45).
«Rayo Valekano» – «Alaves» 1:5 (1:2, 0:3)
Gollar: 0:1 – 8 Ximo Navarro, 1:1 – 30 de Tomas, 1:2 – 34 Ibai Gomes, 1:3 – 56 Kaleri, 1:4 – 77 Ibai Gomes, 1:5 – 90 Burgi.
Chetlatish: Ba (35, Rayo Valekano).
«Eybar» – «Leganes» 1:0 (0:0, 1:0)
Gol: 1:0 – 52 Kike.
«Selta» – «Valyadolid» 3:3 (2:1, 1:2)
Gollar: 1:0 – 5 Aspas, 2:0 – 9 Maksi Gomes, 2:1 – 39 Plano, 3:1 – 54 Aspas, 3:2 – 65 Unal, 3:3 – 90 Suares.
«Ueska» – «Real Sosedad» 0:1 (0:0, 0:1)
Gol: 0:1 – 64 Merino.
«Ueska» – Verner, Miramon, Pulido (Gyurler, 84), Ruben Semedu, Luizinyu (Avila, 79), Musto, Melero, Aleks Galyar, Gomes (Longo, 68), Ferreyro, Ernandes.
«Real Sosedad» – Ruli, Saldua, Elustondo, Moreno, Teo, Merino, Subeldiya, Pardo (Surutusa, 74), Oyarsabal (Rodriges, 90), Bautista (Navas, 85), Xuanmi.
Ogohlantirishlar: Pardo (23), Luizinyu (43), Ernandes (45), Aleks Galyar (65), Xuanmi (71), Longo (76), Ferreyro (90).
Chetlatishlar: Xuanmi (71), Teo (82).
Tur o‘yinlari
Turnir to‘purarlari
Turnir jadvali
