Ukraina Rossiyadan shikoyat qildi

Ukraina harbiy-dengiz kuchlari Rossiya kemalari va samolyotlarining Kerchen bo‘g‘ozidagi xatti-harakatidan shikoyat qilib, Rossiyani «xavfli hodisalarni» keltirib chiqarishda aybladi. Bu haqda mahkamaning feysbukdagi sahifasida aytiladi.

Ukraina harbiy-dengiz kuchlaridan bildirishlaricha, «xavfli hodisalar» Ukraina harbiy kemalarining Kerchen bo‘g‘ozidan o‘tishi vaqtida yuz berdi. shu bilan birga, mahkamadan ta'kidlashlaricha, Rossiya tomonidan manyovr uchun ruxsat so‘ralmagan, sababi Ukraina kemalari «erkin suzishga bo‘lgan o‘z huquqidan foydalandi».

Shuningdek, ta'kidlanishicha, bo‘g‘ozdan o‘tish Rossiya harbiy-dengiz kuchlari va chegara xizmati kemalarining hamrohlik qilishi tufayli, bundan tashqari, Rossiya samolyotlarining parvozi sababli «murakkab sharoitda» amalga oshirildi.

Mahkamadan bildirilishicha, Rossiya kemalari va samolyotlarining Ukraina kemalari bilan yaqinlashuvi «xavfli hodisalardir». Xususan, Rossiya josuslik kemasi va Su-27 qiruvchisining «ikki kabelt masofaga» (taxminan 440 metrga) yaqinlashishi haqida aytiladi.

Eslatib o‘tamiz, avvalroq Rossiyani «ovozni o‘chirishga» chaqirgan Britaniya vaziri Donbassga kelgandi.