Foto: REUTERS
Boliviya prezidenti Evo Morales Nyu-Yorkda o‘tayotgan BMT Bosh assambleyasi doirasida OAVga intervyu berar ekan, AQShni Lotin Amerikasini bo‘lib yuborishga harakat qilganlikda aybladi.
“Qo‘shma Shtatlar har doimgidek bizni bo‘lib yuborishga harakat qilmoqda. Janubiy amerikaliklar ittifoqi tashkil etilganidan buyon bizga nisbatan turli bosimlar bo‘lmoqda. Biz Lotin Amerikasi va Karib havzasi mamlakatlari o‘rtasidagi hamkorlikni mustahkamlaydigan va kafolatlaydigan loyiha ustida ishlayapmiz”, - dedi Morales.
U, shuningdek, Xitoy, Rossiya va Yevropa bilan munosabatlarni mustahkamlash niyatida ekanligini ham gapirib o‘tdi.
