O‘zbekiston Respublikasi IIV Terrorizm va ekstremizmga qarshi kurashish bosh boshqarmasi taqdim etgan ma'lumotga ko‘ra, 2018 yilning 22 sentabr kuni Jizzax viloyati IIB Terrorizm va ekstremizmga qarshi kurashish boshqarmasi Tog‘li hududlardagi tezkor bo‘lim xodimlari tomonidan o‘tkazilgan tadbir davomida Paxtakor tumanida yashovchi U.B. 36,86 gr. marixuana giyohvandlik moddasini sotayotgan vaqtida ushlandi.
Uning yonida yana 64 gr. miqdorda marixuana borligi aniqlandi. Olib borilgan surishtiruv ishlari davomida, U.B. ishlayotgan fermer xo‘jaligi shiyponidan 1 kg. 580 gr. marixuana giyohvandlik moddasi topildi.
Holat yuzasidan Paxtakor tumani IIB Tergov guruhi tomonidan O‘zbekiston Respublikasi Jinoyat kodeksining 273-moddasi 5-qismi bilan jinoyat ishi qo‘zg‘atilib, tergov harakatlari olib borilmoqda.
