O‘zbekistonliklar 3 oktabrdan grin kard lotereyasi uchun ariza topshirishi mumkin

2020 yil “Turli millatga mansub immigrantlar vizasi – Grin Kard lotereyasi” dasturiga (DV-2020) 2018 yil 3 oktabrdan 6 noyabrgacha ariza topshirish mumkin. Bu haqda AQShning O‘zbekistondagi elchixonasi xabar berdi.

2020 yil dasturida mamlakatlar ro‘yxatida o‘zgarish yo‘q, ya'ni O‘zbekistonda tug‘ilgan barcha shaxslar bir marta, FIOsi pasportida yozilganiga aniq muvofiq holda, olinganiga 6 oydan oshmagan fotosurat bilan, hamda barcha oila a'zolarini qo‘shib ariza topshirish huquqiga egalar. 

“Turli millatga mansub immigrantlar vizasi – Grin Kard lotereyasi” dasturiga (DV-2020) ariza topshirish tekin. Arizalarni faqatgina Internet orqali dvlottery.state.gov manzilida 3 oktabrdan boshlab topshirish mumkin.