Pokiston Hindistonning C-400 bo‘yicha rejalaridan xavotirga tushib qoldi

Pokiston axborot va teleradiouzatish vaziri Favad Choudxurining ma'lum qilishicha, mamlakat hukumati Hindiston Rossiyadan S-400 zenit raketa komplekslari sotib olishi mumkin ekanidan xavotirdadir. Bu haqda RIA Novosti xabar bermoqda.

Uning so‘zlariga ko‘ra, Hindiston Pokistonga qarshi kuchlarini kuchaytirmoqda.

Shuningdek, uning qo‘shimcha qilishicha, Pokiston tomoni Hindiston bilan muloqotga tayyor turibdi.

Choudxurining ta'kidlashicha, Pokiston ko‘p marta Hindistonni o‘zaro muloqotga chaqirgan.

Eslatib o‘tamiz, avvalroq AQSh Pokistonga pul berishdan bosh tortgandi.

AQSh Pokistonga terrorizmga qarshi kurash uchun navbatdagi 300 million dollarni bermaydi. Pentagonning fikriga ko‘ra, mamlakat moliyaviy yordamdan samarali foydalanmayapti.